CIMATA SIMPE

Cimata Simpe

cimata simpe,

nepo anjeun malati paranti jangji

sawangan nangtung na layung Bandung,

kembang kaduhung ngadaun sembung

neundeun ibun, mawa kanyaah… ceuyah

cimata simpe, mepende hate

sawangan lanjung ngalanglayung

neundeun tresna dina hanjuang siang

keur anjeun malati paranti jangji

kiwari, wanci peuray miraray

kalangkang anjeun na kongkolak

mangkak lir malati paranti jangji.

***

Tasikmalaya 1997